عابد چوہدری:تھانہ ٹبی سٹی میں حوالاتی سے ملاقات کیلئے رشوت وصول کی جانے لگی
پولیس اہلکار نجم کی رشوت وصولی کی فوٹیج سامنے آ گئی۔شہری تنویر اپنے کزن سے ملاقات کرنے تھانے گیا،گیٹ ڈیوٹی پر تعینات اہلکار نجم نے شہری سے چائے پانی کا خرچہ مانگا۔اہلکار نے 500وصول کرنے پر شہری کو کزن سے ملاقات کی اجازت دی۔

ٹبی سٹی پولیس اہلکار کی رشوت لینے کی فوٹیج وائرل ہونے پر  ایس پی سٹی نے ایکشن لے لیا۔ ایس پی سٹی نے فوٹیج میں نظر آنے والے اہلکار کو معطل کر دیا۔سرکل افسر کومعاملہ کی انکوائری کر کے رپورٹ پیش کرنے کی ہدایت کردی ۔قاضی علی رضا ایس پی  سٹی کا کہنا ہے کہ محکمہ کی بدنامی کاسبب بننےوالےعناصر کسی رعایت کے مستحق نہیں ہیں ۔