شہزاد خان:  لاہور چیمبر کی قیادت تاجر برادری کے مسائل حل کرنے کیلئے پرعزم دکھائی دیتی ہے۔ چیمبر کی نئی قیادت کے اپنے دفاتر میں کام سنبھالنے کے ساتھ ہی لاہور بھر سے تاجروں کے وفود اور  شخصیات کی چیمبر آمد کا سلسلہ تیز ہو گیا۔ 
ہال روڈ ،انڈسٹریل ٹریڈرز اور دیگر تاجر وفود  کل لاہور چیمبر آف کامرس اینڈ انڈسٹری کی عمارت میں جمع ہو ئے اور نئی قیادت کو کام آغاز کرنے پر مبارکبادیں دیں۔ 

تاجروں کا کہنا ہے کہ  بزنس کمیونٹی کی حمایت یافتہ الائنس برسر اقتدار آیا ۔

لاہور چیمبر کے نو منتخب صدر ابوذر شاد نے تاجروں کے وفود کے ساتھ ملاقاتوں میں کہا کہ  لاہور چیمبر کی قیادت بزنس کمیونٹی کا مایوس نہیں کرے گی ۔

 خدمت گروپ ہال روڈ کی جانب سے لاہور چیمبر کے عہدیداروں کا پرتپاک استقبال کیا گیا۔  ایوان صنعت و تجارت پھولوں سے بھر گیا۔ اس موقع پر 100 پاؤنڈ کا کیک کاٹا گیا۔
لاہور چیمبر آف کامرس اینڈ انڈسٹری میں بزنس مین فرینڈلی قیادت آتے ہی ادارے کی رونقیں دوبالا ہوگئیں۔  تاجران کے وفود کی آمد کا سلسلہ عروج پر پہنچ گیا ۔خدمت گروپ ہال روڈ کی جانب سے لاہور چیمبر کے عہدیداران کے اعزاز میں پروقار استقبالیہ دیا گیا ۔

صدر خدمت گروپ بابر محمود نے صدر لاہور چیمبر میاں ابوذرشاد، سینئر نائب صدر خالد عثمان اور نائب صدر شاہد نذیر کو مبارکباد دی ۔صدر خدمت گروپ بابر محمود نے صدر لاہور چیمبر میاں ابوذرشاد، سینئر نائب صدر خالد عثمان اور نائب صدر شاہد نذیر کو کلے پہنائے اور ان کیلئے نیک خواہشات کا اظہار کیا۔