عرفان ملک: گرین ٹاؤن میں مبینہ پولیس مقابلےکےدوران چارڈاکوؤں کی ہلاکت، ڈاکوؤں کی ساتھی خاتون اقراء نے بیان ریکارڈ کروادیا۔

تفصیلات کےمطابق ملزمہ نے اپنے بیان میں اہم انکشافات کرتے ہوئے کہا کہ شوہرسےجھگڑےکےبعدڈکیت رضوان سےتعلقات استوار ہوئے، شوہرکوچھوڑکر6سالہ بچےکےہمراہ رضوان کےساتھ لاہورآگئی ، چھ ماہ تک ڈکیت گروہ کے ساتھ کام کیا ،گینگ واردات کےدوران لوٹی گئی رقم فوری بینک میں جمع کروا دیتا تھا،لوٹی گئی رقم اور زیورات گھر میں نہیں رکھتے تھے ۔

 پولیس تفتیش کے مطابق  مارےجانےوالاڈکیت گروہ سی آئی اےملتان اورآئی بی کومطلوب تھا ، ڈاکوؤں نے ملتان ، پاکپتن ، عارفوالہ میں سرکاری وردیاں پہن کروارداتیں کیں ،ملتان میں گھیراتنگ ہونےپراکتوبرسےڈکیت گینگ لاہورمیں آپریشنل ہوا۔
ڈاکوؤں کےزیراستعمال موٹرسائیکل ستوکتلہ سےڈولفن یونیفارم پہن کرچھینی گئی ڈکیت گروہ کےرکن زین نےلاہورمیں وارداتوں کی منصوبہ بندی کی۔