وسیم احمد:آئی سی سی چیمپئنز ٹرافی میں بھارت کے پاکستان نہ آنے کا معاملہ،حکومتی ذرائع کا کہنا ہے کہ وفاقی حکومت نےپی سی بی سےرابطہ کیا ہے۔
حکومتی ذرائع کے مطابق وفاق نےپی سی بی کوبھارت سےمتعلق پالیسی گائیڈلائنزسےآگاہ کردیا، پی سی بی آج حکومتی ہدایات کےمطابق آئی سی سی کو خط لکھے گا، پی سی بی انٹرنیشنل کرکٹ کونسل سےبی سی سی آئی کے انکار کی ٹھوس وجوہات پوچھے گا۔
حکومتی ذرائع کاکہناتھا کہ پاک بھارت ٹاکراپاکستان کےبغیرممکن نہیں ہے، منافع صرف بھارت کی وجہ سےنہیں بلکہ پاکستان کی موجودگی سےہے، وفاق کی بھارتی ٹیم کے پاکستان نہ آنے پر کسی اور ٹیم کو مدعو کرنے کی بھی تجویز زیر غور ہے۔
وفاقی حکومت کا کہناتھا کہ بھارت نہ آئےتوسری لنکا یا ویسٹ انڈیز کو بلانے کیلئے کام کیا جائے، پی سی بی آئی سی سی حکام کواعتمادمیں لیکردیگربورڈزسےبھی رابطہ کرے، بھارت پاکستان نہ آیاتوآئندہ کسی آئی سی سی اوراےسی سی ایونٹ میں بھارت کےخلاف نہ کھیلنے کی تلقین کی گئی۔