شہباز علی : نوجوان پہلوانوں کی تلاش کیلئے لاہور ریسلنگ ایسوسی ایشن کی جانب سے سمر کیمپ شروع کردیا گیا ۔
سمرکیمپ صدر لاہور ریسلنگ ایسوسی ایشن مہراکرم عرف کالا پہلوان کی زیر نگرانی لگایا گیا۔ سمر کیمپ صدر پنجاب ریسلنگ ایسوسی ایشن ارشد ستار کی ہدایت پر لگایا گیا۔
سمر کیمپ میں نوجوان پہلوان روزانہ شام 6 بجے کالا پہلوان کی رہائش گاہ پر ٹریننگ کریں گے۔ مہر اکرم عرف کالا پہلوان اپنی زیر نگرانی پہلوانوں کو سمر کیمپ میں ٹریننگ کرائیں گے۔ کالا پہلوان کےصاحبزادے وقاص پہلوان ،عادل بٹ ،مھٹو خلیفہ کیمپ میں معاونت کریں گے۔
قومی ہیرو صدیق پہلوان کے صاحبزادہ فیصل پہلوان، جہان خان خلیفہ ،سونا چاندی خلیفہ ،خان یو ٹیوب، طاری پہلوان سمر کیمپ میں پہلوانوں کو ٹریننگ کرائیں گے۔