سٹی42: اذلان شاہ ہاکی ٹورنامنٹ کے فائنل میں جاپان نے پینلٹی شوٹس میں پاکستان کو شکست دے دی ۔ پاکستان کا اکیس سال بعد اذلان شاہ ہاکی ٹورنامنٹ کی ٹرافی گھر لانے کا خواب شرمندہِ تعبیر نہ ہو سکا۔
اذلان شاہ ہاکی ٹورنامنٹ کے فائنل میں جاپان نے پاکستان پر دوسرا گول کر کے گرین شرٹس کی ایک گول کی برتری ختم کر دی تھی۔ میچ کے مقررہ وقت میں دونوں ٹیموں میں سے کوئی بھی برتری حاصل نہ کر سکی۔ مقررہ وقت ختم ہونے کے بعد ریفری کے فیصلہ کے مطابق میچ کے فاتح کا تعین پینلٹی شوٹس سے کیا جائے گا۔ میچ کا فیصلہ پلٹی شوٹ آوٹ پر ہوا۔ پینلٹی شوٹس میں جاپان نے چار گول کر ڈالے جبکہ پاکستانی کھلاڑی صرف ایک گول کر سکے۔
ملائیشیا کے شہر ایپوہ میں کھیلا گیا فائنل میچ چوتھے کوارٹر میں 2 -2 گول سے برابر رہا جس کے بعد پینالٹی شوٹ آؤ ٹ پر فیصلہ ہوا۔
جاپان نے پینالٹی شوٹ آؤ ٹ مقابلہ 1-4 سے جیت کر پہلی بار اذلان شاہ ہاکی ٹورنامنٹ کا ٹائٹل حاصل کرلیا۔ جاپان کی ٹیم پہلی بار اذلان شاہ کپ کا فائنل کھیل رہی تھی۔
جاپان نے پہلے کوارٹر میں پاکستان کے خلاف ایک صفر کی برتری حاصل کی جب کہ دوسرے کوارٹر میں دونوں ٹیمیں کوئی گول اسکور نہ کرسکیں۔
تیسرے کوارٹر میں پاکستان نے 1-2 کی برتری حاصل کرلی۔ پاکستان کے احمد اعجاز نے 34 ویں اور عبدالرحمان نے37 ویں منٹ میں گول کیا۔
جاپان نے چوتھے کوارٹر میں میچ 2-2 سے برابر کردیا۔ جاپان کی جانب سے دوسرا گول کازوماسما نے 47 ویں منٹ میں اسکور کیا۔
میچ کے تیسرے کوارٹر میں پاکستان نے جاپان پر ایک گول کی برتری حاصل کر لی تھی اور اکیس سال بعد گرین شرٹس اذلان شاہ ہاکی ٹورنامنٹ کی ٹرافی گھر لانے کے قریب پہنچ گئے تھے۔ بعد ازاں جاپان کی ٹیم نے گول کر کے سکور برابر کر لیا۔
جاپانی کھلاڑی تاناکا سیرن نے میچ کے 12ویں منٹ میں گیند کو جال میں پہنچا کر اپنی ٹیم کو سبقت دلائی اور پہلے کوارٹر کے اختتام تک یہی اسکور رہا۔
دونوں ٹیموں کے درمیان دوسرے کوارٹر کے درمیان کڑا مقابلہ دیکھنے میں آیا جہاں دونوں ٹیموں نے ایک دوسرے پر حملوں کی کوشش کی لیکن گول کرنے میں ناکام رہے۔
تیسرے کوارٹر کے آغاز میں پاکستان نے میچ میں پہلا گول کیا۔ احمد اعجاز نے میچ کے 34ویں منٹ میں فیلڈ گول کرکے اسکور 1-1 کیا۔
اس کے تین منٹ بعد ہی 37ویں منٹ میں عبدالرحمان نے فیلڈ گول کے ذریعے گیند کو گول پوسٹ میں پہنچا کر ٹیم کو 1-2 کی برتر دلادی۔
پاکستان نے اوپر تلے دو گول کر کے جاپان پر ایک گول کی برتری حاصل کر لی ۔ بظاہر پاکستان فتح کی طرف بڑھ رہا تھا لیکن جاپان کی پہلی مرتبہ اذلان شاہ ٹورنامنٹ کا فائنل کھیلنے والی ٹیم نے سخت جدوجہد کر کے اچھا کم بیک کیا۔
پاکستان نے 2011 میں آخری بار اذلان شاہ ہاکی ٹورنامنٹ کا فائنل کھیلا تھا۔ پاکستان نےٹورنامنٹ آخری بار 2003 میں جیتا تھا۔
پاکستان ٹیم ایونٹ میں فائنل تک ناقابل شکست رہی ہے، پاکستان نے 3 میچ جیتے اور دو میچز ڈرا ہوئے ۔