اویس کیانی : چیئرمین پی سی بی محسن نقوی کا کہنا ہے کہ قومی ہاکی ٹیم فائنل میں جاپان کو شکست دینے کی بھرپور صلاحیت رکھتی ہے۔
سلطان اذلان شاہ کپ 2024 کے فائنل سے قبل محسن نقوی نے قومی ہاکی ٹیم کے لئے نیک خواہشات کا اظہار کیا، کہا کہ پاکستان ہاکی ٹیم کا 13 سال بعد اذلان شاہ ہاکی ٹورنامنٹ کا فائنل کھیلنا تاریخی لمحہ ہے۔ قومی ہاکی ٹیم فائنل میں جاپان کو شکست دینے کی بھرپور صلاحیت رکھتی ہے۔ امید ہے کہ پاکستان کی ہاکی ٹیم ٹورنامنٹ جیتے گی۔
انہوں نے مزید کہا کہ قومی ہاکی ٹیم نے پورے ٹورنامنٹ میں بہترین کھیل کا مظاہرہ کیا اور آج فائنل میں فتح کے لیے بھی محنت، عزم اور جذبے سے کھیلنا ہو گا۔
واضح رہے کہ قومی ہاکی ٹیم 13سال بعد سلطان اذلان شاہ کپ کے فائنل میں پہنچی ہے ۔ پاکستانی 2011 کے بعد اب اذلان شاہ کپ کے فائنل میں پہنچا ہے، قومی ہاکی ٹیم نے گزشتہ ایونٹ میں تیسری پوزیشن کا میچ جیت کر کانسی کا تمغہ حاصل کیا تھا۔