سٹی42: ورلڈ اسکواش چیمپئن شپ میں پاکستان کے حمزہ خان کو پہلے ہی راؤنڈ میں شکست ہوگئی۔
مصر کے دارالحکومت قاہرہ میں ہونے والی ورلڈ اسکواش چیمپئن شپ میں ایونٹ کے حیران کن موڑ پر پاکستانی کھلاڑی حمزہ خان کو پہلے ہی راؤنڈ میں شکست کا غیر متوقع دھچکا لگ گیا۔حمزہ خان کو سوئٹزرلینڈ کے نکولز ملر نے مسلسل تین گیمز میں آؤٹ کلاس کر دیا۔
حمزہ خان سابق عالمی جونیئر چیمپئن ہیں۔ وہ ٹورنامنٹ کے دوسرے راؤنڈ کے لیے کوالیفائی کرنے میں ناکام رہے۔
سکواش کے میگا ایونٹ میں حمزہ سے متاثر کن کارکردگی کی توقعات بہت زیادہ تھیں۔
حمزہ کو مولر سے مسلسل تین گیمز میں شکست ہوئی۔ سوئس کھلاڑی کے حق میں اسکور 11-9، 11-6، 11-6 رہا۔ یہ میچ صرف 30 منٹ چلا۔
حمزہ ورلڈ سکواش چیمپئین شپ میں شرکت کرنے والے واحد پاکستانی کھلاڑی تھے۔ ٹورنامنٹ سے ان کا باہر ہونا پاکستان میں اسکواش کے شائقین کے لیے مایوسی کا باعث ہے۔