سٹی42: جھنگ میں تیز آندھی کے باعث دربار شاہ جیونہ میں نصب بجلی کا کھمبا گر گیا۔ اس وقت دربار پر عرس جاری تھا، بھگدڑ مچنے سے تین زائرین جاں بحق ہو گئے۔
ابتدائی اطلاعات کے مطابق دربار شاہ جیونہ میں عرس کے دوران پول گرنے کے نتیجہ میں اچانک بھگدڑ مچ گئی۔ بھگڈر مچنے سے تین افراد جاں بحق ہوئے ۔
تینوں افراد دربار شاہ جیونہ پر رسم چراغ کے لیے آئے تھے۔مرنے والوں کی لاشیں قریبی ہسپتال منتقل کر دی گئیں ۔
جان بحق ہونے والوں میں سے ایک کا نام 30 سالہ مزمل معلوم ہوا ہے، دوسرے دو کی شناخت کرنے کی کوشش کی جا رہی ہے۔