سعید احمد سے: لاہور کی تمام بڑی مارکیٹوں کے تاجروں نے تحریک انصاف کی ہڑتال کی کال مسترد کر کے دوکانیں معمول کے مطابق کھولنے کااعلان کر دیا۔لاہور میں جمعررات کےروز تمام مارکیٹوں میں معمول کے مطابق کاروبار ہو رہا ہے حتیٰ کہ گہما گہمی میں بھی کوئی فرق دیکھنے میں نہیں آیا۔
صدر اعظم کلاتھ مارکیٹ کی پی ٹی آئی کی شٹر ڈائون ہڑتال کی مخالفت کر دی، اعظم کلاتھ مارکیٹ تاجران کا تحریک انصاف کی ہڑتال سے لاتعلقی کا اعلان، صدر ملک زمان نصیب کا مارکیٹیں کھولنے اور کاروبار جاری رکھنے کا عزم ظاہر کرتے ہوئے کہنا ہے کہ جمعرات کے روز معمول کے مطابق کاروبارجاری رہے گا۔
انجمن تاجران آٹو پارٹس بادامی باغ نے بھی ہڑتال کی کال مسترد کر دی، آج 11 مئی کو مارکیٹیں کھولنے اور کاروبار جاری رکھنے کے عزم کا اظہار کر دیا۔ صدر انجمن تاجران آتو پارٹس بادامی باغ نے کہا ہے کہ کاروباری سرگرمیاں معمول کے مطابق جاری رہیں گی۔
چیئرمین شاہ عالم مارکیٹ بورڈ نے بھی شٹر ڈاؤن ہڑتال کی کال مسترد کر دی، صدر سید عظمت علی شاہ نے بھی کہا ہے کہ شاہ عالم مارکیٹ کے تاجر معمول کے مطابق مارکیٹیں کھولیں گے۔
چیئرمین پائنیرگروپ نے بھی شٹر ڈ اؤن ہڑتال کی کال مسترد کر دی، آج (11 مئی) مارکیٹیں کھولنے اور کاروبار جاری رکھنے کے عزم کا اظہار کردیا۔ ممبران پائنیر گروپ نے بھی شٹرڈاؤن ہڑتال کی مخالفت کرتے ہوئے کاروبار جاری رکھنے کا اعلان کیا ہے۔ رہنما پائنیر گروپ علی حسام اصغر نے کہا ہے کہ کاروباری ادارے معمول کے مطابق کھلے رہیں گے۔ رہنما حارث عتیق کا کہنا ہے کہ شٹرڈائون ہڑتال کسی صورت قبول نہیں۔ جبکہ شاہد نذیر اور مردان علی زیدی نے کہا ہے کہ ملک اس وقت ہڑتال کا متحمل نہیں ہوسکتا۔
آٹو ایئر کنڈنشنگ ایسوسی ایشن نے بھی ہڑتال کی مخالفت کردی، صدر ندیم ملک کا مارکیٹیں کھولنے اور کاروبار جاری رکھنے کا عزم ظاہر کرتے ہوئے کہنا ہے کہ لاہور کی تاجر برادری کسی ہڑتال کا حصہ نہیں بنے گی۔