رائل پارک ( زین مدنی ) فن کی دنیا کے نامور ستارے اطہر شاہ خان عرف جیدی کی موت سے فن کے دلدادہ لوگوں میں غم کی ایک لہر دوڑ گئی ہے۔
معروف فن کارجیدی کے انتقال پر جہاں ان کے مداحوں کی بڑی تعداد افسردہ ہے وہیں ساتھی فنکاروں کو بھی جیدی کی موت کی افسوسناک خبر نے غمزدہ کردیا ہے۔ معروف میزبان و اداکار فہد مصطفی، فیصل قریشی، سینئر اداکارہ ثمینہ پیرزادہ، یاسر حسین سمیت دیگر فنکاروں نے سوشل میڈیا پراپنے تعزیتی پیغامات شیئر کئے۔
فنکاروں کا کہنا ہے کہ جیدی کے جانے سے فن کی دنیا میں ایک خلا پیدا ہوگیا ہے جسے پُر کرنا ناممکن ہوگا۔ اداکار فہد مصطفی نے جیدی کے انتقال پر اپنا تعزیتی پیغام ٹوئٹر پر شیئر کرتے ہوئے بتایا کہ انہیں اطہر شاہ خان عرف جیدی کے ساتھ کام کرنے کا اعزاز حاصل ہے۔ فہد مصطفی نے یہ بھی لکھا کہ انہیں جیدی جیسے بڑے فنکار کے ساتھ کام کر کے بے حد خوشی ہوئی تھی۔
Had an opportunity to work with this legend once and he was a delight to work with .Its a huge loss i hate 2020 its the worst of all the years .RIP Jedi Sahab you will be missed ???? pic.twitter.com/14WFxZStoH
— Fahad Mustafa (@fahadmustafa26) May 10, 2020
اداکار فیصل قریشی نے جیدی کی تصویریں شیئر کرتے ہوئے اپنے تعزیتی پیغام میں لکھا کہ ہزاروں چہروں پر مسکراہٹیں بکھیرنے والے جیدی صاحب چلے گئے۔
Jedi sahab chalay gaye hazaroon cheroon pe muskurahat bikharny walay ... إنا لله وإنا إليه راجعون pic.twitter.com/2oy9B0Y1rN
— Faysal Quraishi (@faysalquraishi) May 10, 2020
سینئر اداکارہ ثمینہ پیرزادہ نے اپنے پیغام میں مغفرت کی دعا کرتے ہوئے اطہر شاہ خان عرف جیدی کے مزاح سے بھرپور تمام حیرت انگیز کاموں کا شکریہ بھی ادا کردیا۔
کامیڈین اداکار یاسر حسین نے ماضی کے ممتاز شاعر کو لیجنڈ قرار دیتے ہوئے ایک پوسٹ شیئر کی۔
واضح رہے کہ فن کی دنیا کے نامور ستارے اور اپنے زمانے میں ٹی وی ناظرین کو چہرے کے تاثرات سے محظوظ کرنے والے فن کار اطہر شاہ خان جیدی طویل علالت کے بعد گزشتہ روز 77 سال کی عمر میں انتقال کر گئے تھے۔