ویب ڈیسک: پاکستان مسلم لیگ (ن)کے سابق وفاقی وزیر شیخ وقاص اکرم نے پاکستان تحریک انصاف میں شمولیت اختیار کرلی۔
تفصیلات کے مطابق شیخ وقاص اکرم نے لاہور زمان پارک میں چیئرمین پاکستان تحریک انصاف عمران خان سے ملاقات کی اور ان کی قیادت پر بھرپور اعتماد کا اظہار کرتے ہوئے پی ٹی آئی میں شامل ہو گئے ہیں۔
یاد رہے کہ شیخ وقاص اکرم نے سنہ 2018 کے انتخابات میں پارٹی صدر شہباز شریف کو بتا یا تھا کہ وہ ن لیگ سسے ٹکٹ لینا نہیں چاہتے، شہباز شریف نے انہیں انتخاب لڑنے کیلئے ٹکٹ جاری کیا جس پر انہوں نے انکار کر دیا تھا۔