( ویب ڈیسک)بالی وڈ اداکار اکشے کمار کا شمار ٹاپ اداکاروں میں ہوتا ہے انہوں نے بہت سی فلموں میں اداکاری کے جوہر دکھائے،ان کے بہت سے مداح ہیں۔
اکشے کمار کے چاہنے والے ان کی ایک جھلک دیکھنے یا ان سے ملنے کے لیے بے تاب رہتے ہیں۔پرہجوم جگہ پر ایک مداح نے ایسی حرکت کر دی کہ سب حیران رہ گئے،تفصیلات کے مطابق مداح نے اکشے کمار کو سر سے پکڑ کر اپنی جانب کھینچے کی کوشش کی جس کا مقصد سیلفی لینا تھا ،مذکورہ واقعے کی ویڈیو سوشل میڈیا پر وائرل ہوگئی۔
View this post on Instagram
سوشل میڈیا پر وائرل ہونے والی ویڈیو میں دیکھا جا سکتا ہے کہ اکشے کمار ایک تقریب میں شرکت کے دوران اپنے محافظوں کے ہمراہ مداحوں کے ہجوم کے درمیان سے گزر رہے ہیں اسی دوران اچانک ہی ایک مداح اکشے کمار کے ساتھ سیلفی لینے کے لی اتنا جذباتی ہوگیا کہ اداکار کو ہجوم کے بیچ میں سر سے پکڑ کر اپنے طرف کھینچنے کی کوشش کی تاکہ وہ سیلفی لے سکے لیکن اکشے کمار مداح کی اس حرکت پر آپے سے باہر ہوگئے۔ ویڈیو میں اداکار شدید غصے میں مداح کا ہاتھ ہٹا کر کچھ کہتے ہیں۔