جنید ریاض: فنی تعلیمی بورڈ نے ڈپلومہ آف ایسوسی ایٹ انجینئرکے پہلے سالانہ امتحان کیلئے شیڈول جاری کردیا، امتحانات کا آغاز گیارہ جون سے ہوگا، امیدوار سنگل فیس کیساتھ 6 اپریل تک داخلہ جمع کرواسکیں گے۔

تفصیلات کے مطابق ڈپلومہ آف ایسوسی ایٹ انجینئرکاپہلا سالانہ امتحان گیارہ جون سے لیا جائے گا، سنگل فیس کے ساتھ آن لائن ڈیٹا فیڈنگ اور داخلہ فیس بینک میں جمع کروانے کیلئے6 اپریل ہوگی۔

ڈبل فیس کے ساتھ13 اپریل جبکہ ٹرپل فیس کیساتھ 20 اپریل مقررکی گئی ہے، ہارڈ شپ کیسز  کی صورت میں ٹرپل فیس یومیہ 500 جرمانہ کے ساتھ30 اپریل تک داخلہ فارم وصول کیا جائے گا۔

چیئرمین فنی تعلیمی بورڈ ناظرخان نیازی کا کہنا ہے کہ 30 اپریل کے بعد کوئی بھی داخلہ فارم قابل قبول نہ ہوگا جبکہ مزید معلومات کیلئے فنی تعلیمی بورڈ کی ویب سائٹ وزٹ کی جاسکتی ہے۔

 ناظر خان نیازی کا کہنا تھا کہ داخلہ شیڈول کا لیٹر تمام ٹیکنیکل اداروں کو ارسال کر دیا گیا ہے۔