گلبرگ (زین مدنی )معروف اداکارہ سجل علی کی کالی ساڑھی میں ملبوس تصاویر سوشل میڈیا پر وائرل ہوگئیں۔
تفصیلات کے مطابق اداکارہ سجل علی نے گزشتہ روز اپنی دوست اداکارہ سعدیہ غفار اور حسن حیات خان کی ولیمے کی تقریب میں کالی ساڑھی پہن کر شرکت کی جس کی تصاویر سوشل میڈیا پر وائرل ہوگئیں۔
تصاویر میں دیکھا جاسکتا ہے کہ سجل علی کالی ساڑھی میں بہت خوبصورت دکھائی دے رہی ہیں، مداحوں کی جانب سے بھی سجل علی کی تصاویر کو پسند کیا جارہا ہے۔
سجل علی اور احد رضا میر بھی جلد ہی شادی کے بندھن میں بندھنے والے ہیں، دونوں ان دنوں شادی کے دعوت نامے تقسیم کررہے ہیں۔ کچھ روز قبل پاکستان میں برطانوی ڈپٹی ہائی کمشنر نے شادی کارڈ ملنے کے بعد سماجی رابطوں کی ویب سائٹ ٹوئٹر پر سجل اوراحد کے ساتھ کھینچوائی گئی تصاویر شیئر کرتے ہوئے ٹویٹ کی جو سوشل میڈیا پر وائرل ہوگئی۔
برطانوی سفیر نے اپنی ٹویٹ میں لکھا شادی کارڈ دینے کیلئے آنے والے سجل اور احد رضا میر سے شاندار ملاقات رہی، آن سکرین کئی بار ان دونوں کی شادی ہوچکی ہے، اب حقیقی شادی ہے۔مائیک نیتھروئینکس نے دونوں کیلئے نیک خواہشات کا اظہار کیا۔