کینٹ (زین مدنی) معروف اداکارہ اور ماڈل حریم فاروق نے کہا ہے کہ سات سال قبل ہونے والے کار حادثے نے انہیں خدا کے بہت قریب کردیا۔

ایک انٹرویو میں حریم فاروق نے بتایا کہ2013ء کے آخر میں ان کا خطرناک ایکسیڈنٹ ہوا تھا جس نے ان کی زندگی تبدیل کر دی، اس حادثے کے بعد سے انہوں نے سیٹ بیلٹ پہننا کبھی نہیں چھوڑی، حادثے میں میرے سیدھے بازو کی ہڈی ٹوٹ گئی تھی، میرے پہلے پراجیکٹ کے وقت یہ حادثہ پیش آیا اور اس کے بعد میں ڈپریشن میں تھی۔

 نامور اداکارہ نے بتایا کہ ان کی فیملی اور دوستوں نے انہیں حادثے کے بعد ڈپریشن سے نکلنے میں مدد کی، اس حادثے نے انہیں خدا سے بہت قریب کر دیا۔

واضح رہے کہ کچھ روز قبل حریم فاروق نے انسٹاگرام پر اپنی مسکراتے ہوئے تصویر شیئر کی اورلکھا میں صرف ایک ہی طرح کا وائرس پھیلانا چاہتی ہوں اور وہ ہے خوش رہو نا وائرس۔ اس کی علامات خوش رہنا، ہنسنا، محبت، شکرگزاری اور مثبت طرز عمل ہیں اور اس بیماری کے لیے کسی احتیاطی تدابیر کی بھی ضرورت نہیں ہے۔

  حریم فاروق نے تمام لوگوں سے درخواست کرتے ہوئے کہا اس وائرس کو پھیلانے میں جتنا ممکن ہوسکے میری مدد کریں۔