درنایاب :اووروں کو نصیحت خود میاں فصیحت ، ایل ڈی اے ایونیو ون کے الاٹی پارکس اور بنیادی سہولیات اٹھارہ سال بعد بھی محرومیوں کا شکار ، ایل ڈی اے نے ایونیو ون کی نااہلیوں کا ملبہ بیٹرمنٹ فیس وصولی کی صورت میں الاٹیوں پر گرانے کا فیصلہ کرلیا ۔
ایل ڈی اے کا شعبہ سی ایم پی پرائیویٹ ہاوسنگ سکیمز میں بنیادی سہولیات کی فراہمی کو ریگولیٹ کرتا ہے ۔ ایل ڈی اے ایونیو ون کے معاملات پر سی ایم پی ونگ نے اپنے افسران کا دفاع شروع کردیا ہے ۔ ایونیو ون میں کسی بھی قسم کی بنیادی سہولیات میسر نہیں، نہ ہی مسجد تک تعمیر کی جاسکی ہے ۔ ایونیو ون کا چارج اس سے قبل ایڈیشنل ڈی جی ہیڈ کوارٹر کے پاس تھا، ناکامی پر چارج اربن پلاننگ کو دیا گیا ۔ ایل ڈی اے ایونیو ون تقریباً سترہ ہزار کنال کی پرائم لوکیشن سوسائٹی ہے ۔ ایل ڈی اے نے ایونیو ون کو ماڈل سوسائٹی بنانے کیلئے ملبہ رہائشی اور الاٹیوں پر ڈالنے کا فیصلہ کیا ہے ۔ بیٹرمنٹ فیس وصولی کا پروپوزل ڈی جی ایل ڈی اے کو منظوری کیلئے پیش کردیا گیا ہے ۔
دوسری جانب چیئرمین پی ایچ اے انجنیئر یاسر گیلانی نے شہر بھر میں غیر قانونی اشتہارات ، بل بورڈز اور سٹیمرز پر کاروائی کے احکامات جاری کردیئے۔ پی ایچ اے ہیڈ آفس میں مارکیٹنگ ڈیپارٹمنٹ کا اجلاس ہوا ۔ اجلاس کی صدارت چیئرمین پی ایچ اے انجینئر یاسر گیلانی نے کی ۔ اجلاس میں قائم مقام ڈی جی پی ایچ اے طارق علی بسرا اور مارکیٹنگ ڈیپارٹمنٹ کے افسران نے شرکت کی ۔
چئیرمین نے کہا کہ شہر بھر میں غیر قانونی اشتہارات، بل بورڈ اور سٹیمرز کیخلاف کارروائی کر کے صفائی کی جائے ۔ چیئرمین پی ایچ اے انجنیئر یاسر گیلانی نے کہا کہ بے ہنگم اور بے ترتیب ایڈوئرٹائزمنٹ برداشت نہیں کی جائے گی ۔ قائم مقام ڈی جی طارق علی بسرا نے کہا کہ مارکیٹنگ ڈیپارٹمنٹ ادارے کے ریونیو میں توازن برقرار رکھنے کیلئے جامع حکمت عملی کے ساتھ کام کررہا ہے۔