عابد ملک :دوست کو تنخواہ تاخیر سے ملنے پر ڈولفن اہلکار آپے سے باہر ہو گئے، ڈولفن اہلکاروں کی فارمیسی مالک سے بدسلوکی کی فوٹیج سامنے آ گئی۔
دوست کو تنخواہ تاخیر سے ملنے پر ڈولفن اہلکار آپے سے باہر ہو گئے،ڈولفن اہلکاروں کی فارمیسی مالک سے بدسلوکی کی فوٹیج میں دیکھا جا سکتا ہے کہ دو ڈولفن اہلکار گلشن راوی میں واقع فارمیسی گئے اوردوست کو تنخواہ تاخیر سے دینے ملنے پر ڈولفن اہلکاروں نے فارمیسی مالک کو دھر لیا۔ڈولفن اہلکارشہری کو گریباں سے پکڑ کر دھکے دیتے فارمیسی سے باہر لے گئے
غیرمناسب رویہ اپنانے پر شہری نے فارمیسی بند کر دی، ایس پی ڈولفن نے اہلکاروں کی بدسلوکی پر نوٹس لیتے ہوئے ڈی ایس پی اقبال ٹاون کو انکوائری کا حکم دے دیا۔ایس پی ڈولفن شاہ میرخالد کا کہنا ہے کہ انکوائری رپورٹ آنے پر ڈولفن اہلکاروں کے خلاف محکمانہ کاروائی کی جائے گی ۔
