علی رامے: نگراں وزیر اعلیٰ کے ہسپتالوں کی حالت زار بہتر کرنے کےمنصوبہ پر عملدرآمد کے لئے لاہور سمیت پنجاب کے 6 بڑے ہسپتالوں کو ہنگامی بنیادوں پر 2 ارب 30 کروڑ جاری کر دیئے گئے۔
2 ارب 30 کروڑ روپے کی یہ رقم ہسپتالوں کے انفراسٹرکچر کی تعمیر و مرمت پرخرچ ہو گی۔
وزیر اعلیٰ محسن نقوی کی ہدایت پرمیو ہسپتال کے انفراسٹرکچر اور ایمرجنسی بلاک کی ری ویمپنگ کے لیے 50 کروڑ روپے جاری کئے گئے ہیں۔
لاہور کے چلڈرن ہسپتال کو 30 کروڑ روپے، جنرل ہسپتال کو 50 کروڑ روپےاور جناح ہسپتال کو 40 کروڑ روپے جاری کردئیے گئے ہیں۔
ہسپتالوں میں مسائل کو سمجھنے اور انفراسٹرکچر کی بہتری کے لیے وزیر اعلی پنجاب نے خود ہسپتالوں کے دورے کیے تھے۔
حکام کا کہنا ہے کہ فنڈز ملتے ہی ہسپتالوں میں تعمیر اور مرمت کے پیپر ورک کا آغاز ہو گیا ہے اور اگست تک ہسپتالوں میں عمارتوں کی تعمیر ومرمت کا عملی کام شروع کردیا جائے گا۔