ویب ڈیسک : قومی ایئر لائن کابیرون ملک پھنسے پاکستانیوں کی واپسی کے لئے 32 پروازیں چلا نے کافیصلہ۔پی آئی اے حکام کا کہنا ہے کہ کابل کیلئے 12 اور 16 جولائی کو خصوصی پروازیں آپریٹ کررہےہیں۔
تفصیلات کےمطابق پی آئی اے نےبیرونِ ملک پھنسے پاکستانیوں کو وطن پہنچانےکیلئےبڑے فلائٹ آپریشن کا اعلان کیا ہے،پی آئی اے عید الاضحیٰ سے قبل بیرون ملک پھنسے پاکستانیوں کو 32خصوصی پروازوں کے ذریعے وطن واپس لایاجائے گا۔ پی آئی اے حکام کا کہنا ہے کہ کابل میں پھنسے پاکستانیوں کووطن واپس پہنچانے کیلئے بوئنگ 777 طیارے استعمال کیے جائیں گے، کابل کیلئے 12 اور 16 جولائی کو خصوصی پروازیں آپریٹ کررہےہیں، پی آئی اے انتظامیہ کا مزید کہنا تھاکہ خلیجی ممالک سے پاکستان آنے کیلئے 5 خصوصی پروازوں کا اضافہ کردیا گیا ہے۔دبئی اور ابوظہبی سے پاکستانیوں کو بوئنگ 777 طیاروں کے ذریعے وطن پہنچایا جائے گا، سعودی عرب کیلئے بھی 10 پروازوں کا اضافہ کردیا گیا ہے۔
پی آئی اے حکام کاکہنا ہےکہ تاشقند کیلئے 8 خصوصی پروازیں چلائی جائیں گی اور تاشقند کیلئے ایئر بس 320 طیارے آپریٹ ہو گی جبکہ پی آئی اے بشکیک میں پھنسے ہوئے طالبہ کو وطن واپس لانے کیلئے خصوصی پرواز آپریٹ کرے گی۔