سٹی 42 : اسلام آباد پولیس نے اسلحہ کی بڑی کھیپ پکڑ لی ۔  

اسلام آباد تھانہ ترنول پولیس نے بھاری اسلحہ کو خیبرپختونخوا سے اسلام آباد منتقل کرنے کی کوشش ناکام بنادی، ملزم کو بھی گرفتار کرلیا گیا، جس سے 272 مختلف بور کے پستول، 20 جدید خودکار بندوقیں معہ میگزنیز اور 23000سے زائد روند برآمد ہوئے۔ اس کے علاوہ گرفتار ملزم کے قبضہ سے 150گرام آئس اور 4.450کلوگرام ہیروئن برآمد ہوئی ۔ 

 ایس ایس پی آپریشنز ارسلان شاہزیب کا کہنا ہے کہ ملزم سابقہ ریکارڈ یافتہ اور پنجاب کے مختلف اضلاع میں 8 مقدمات میں ملوث ہے ، ملزم کے خلاف تھانہ ترنول میں مقدمہ درج کرکے مزید تفتیش شروع کردی گئی۔