(سٹی42) پاکستان ائیر ٹریفک کنٹرول نے دبئی میں خراب موسم کے باعث تمام پروازیں روکنے کا حکم دیدیا۔
ذرائع کے مطابق فضائی آپریشن معطل ہونے سے دبئی ائیرپورٹ پر جہازوں کی پارکنگ کی جگہ ختم ہو گئی جبکہ ایندھن بھرنے میں بھی مشکلات کا سامنا ہے، پاکستان ائیر ٹریفک کنٹرول نے دبئی میں خراب موسم کے باعث تمام پروازیں روکنے کا حکم دیدیا، لاہور سے دبئی جانیوالی پرواز پی کے 233 کو بھی مسقط اتار لیا گیا۔
ترجمان پی آئی اے کا کہنا ہے کہ جب تک دبئی میں موسم اور ائیرپورٹ کی صورتحال بہتر نہیں ہوتی پروازیں نہیں بھیجی جائیں گی۔