ویب ڈیسک : واٹس ایپ نے صارفین کے لیے تصاویر اور ویڈیوز چیٹ میں بھیجنے میں آسانی کردی۔

واٹس ایپ نے آئی او ایس کے صارفین کے لیے اب میڈیا   چیٹ میں بھیجنے کی حد 100 کردی، یعنی اب صارف زیادہ سے زیادہ چیٹ میں 100 تصاویر یا ویڈیوز بھیج سکیں گے۔اس سے قبل صارفین 30 سے زائد میڈیا نہیں بھیج سکتے تھے، اس تبدیلی سے واٹس ایپ کا استعمال مزید آسان ہوگیا ہے۔

واٹس ایپ نے فی الحال یہ تبدیلی کچھ بیٹا ٹیسٹرز کے لیے کی ہے، آئی او ایس صارفین 30 سے زائد تصاویر بھیج کر معلوم کرسکتے ہیں آیا وہ ان خوش قسمت صارفین میں سے ہیں یا نہیں جن کے لیے یہ فیچر پیش کیا گیا ہے۔واٹس ایپ بیٹا انفو کے مطابق یہ فیچر آئندہ کچھ دنوں میں سب صارفین کے لیے پیش کردیا جائے گا۔