(مانیٹرنگ ڈیسک) شمالی کوریا کے رہنما کم جونگ ان کی اہلیہ کی بیلسٹک میزائل والا ہار پہننے کی تصویر وائرل ہوگئی۔
سوشل میڈیا پر وائرل تصویر میں شمالی کوریا کے رہنما کم جونگ ان کی اہلیہ ری سول جو کو فوج کی 75 ویں سالگرہ کی تقریب میں میزائل کی شکل والا ہار پہنے دیکھا جا سکتا ہے۔
فوج کے قیام کی 75ویں سالگرہ کے موقع پر فوجی پریڈ کے دوران ملک کے سب سے بڑے بین البراعظمی بیلسٹک میزائل کی شکل والا ہار پہن کر نظر آئیں۔ان کے ساتھ ان کے شوہر کم جونگ ان اور ان کی 10 سالہ بیٹی کم جوئی بھی موجود تھے۔
شمالی کوریا نے ہواسونگ 17 بین البراعظمی بیلسٹک میزائل گزشتہ برس لانچ کیا تھا جو امریکا تک مار کرنے کی صلاحیت رکھتا ہے۔