ویب ڈیسک: لاہور قذافی سٹیڈیم میں پی ایس ایل 7 کے دوسرے مرحلے کے دوسرے میچ میں ملتان سلطانز اور لاہور قلندرز کے مابین میچ کھیلا گیا۔ ملتان نے ٹاس جیت کر لاہور قلندرز کو بیٹنگ دی. لاہور نے 4 وکٹوں کے نقصان پر 183 رنز کا ہدف دیا تھا۔ ملتان سلطانز کی ٹیم 130رنز بناسکی۔
لاہور کےقذافی سٹیڈیم لاہور میں کھیلے گئےپاکستان سپر لیگ 7 کے دوسرے مرحلے کے آج ہونے والے میچ میں ملتان سلطانز کی جیت کا تسلسل لاہور قلندرز نے توڑ دیا۔ ملتان نے ٹاس جیت کر لاہور کو پہلے بیٹنگ کی دعوت دی تھی۔ قلندرز نے ملتان کو 4 وکٹوں کے نقصان پر 183 رنز کا ہدف دیا تھا۔ٹارگٹ کوحاصل کرنے کے لئے ملتان سلطانز نے اننگز کا آغاز کیا تو شان مسعود 8 اور کپتان رضوان 20 رنز بنا پائے۔ ملتان سلطانز کی پوری ٹیم 130 رنز بناسکی۔ لاہور نے 52 رنز سے ملتان سلطانز کو شکست دی۔
لاہور قلندرز پی ایس ایل کے رواں سیزن میں اپنے ہوم گراؤنڈ پر پہلا میچ کھیل رہی ہے۔پوائنٹس ٹیبل کی بات کی جائے تو ملتان سلطانز مسلسل 6 کامیابیاں حاصل کرنے کے بعد آج 7 واں میچ ہار چکی ہے جبکہ لاہور کی ٹیم اپنے اس میچ میں کامیاب ہو گئی ہے 6 میچز میں سے 4 میں فتح سمیٹ کے تیسرے نمبر پر موجود ہے۔