فرزانہ صدیق : اسلام آباد پولیس نے منشیات فروشوں کے خلاف کارروائی کرتے ہوئے قائد اعظم یونیورسٹی سمیت مختلف تعلیمی اداروں میں منشیات سپلائی کرنے والا بڑا نیٹ ورک گرفتار کرلیا۔
پولیس کے مطابق منشیات فروشوں کی شناخت مبشرحسین، مدثرعلی، افضال حسین کے نام سے ہوئی،ملزمان بری امام کے رہائشی ہیں۔ ملزمان کے قبضے سے بھاری مقدار میں منشیات بھی برآمد ہوئی، ملزمان نے منشیات یونیورسٹی جنگل میں کھدائی کرکے گیلنوں کے اندر چھپائی ہوئی تھی۔ملزمان کے انکشاف پر پولیس نے چھاپہ مارکر ملزمان کے گھروں اور جنگل سے منشیات کی بھاری کھیپ برآمد کی۔
پولیس کا کہنا ہے کہ ملزمان سے مزید تفتیش جاری ہے اور اہم انکشافات کی توقع ہے۔