(اسرار خان)اسلام پورہ میں گھریلو جھگڑے پر دیور نے فائرنگ کرکے بھاوج کی جان لے لی ، پولیس نے لاش تحویل میں لے کر ملزم کی تلاش شروع کر دی،سی سی پی او کا نوٹس، ملزم کی جلد گرفتاری کا حکم دے دیا۔
پولیس کے مطابق قتل کی واردات اسلام پورہ کے علاقہ سنت نگر میں ہوئی، جہاں باؤ محلہ کے رہائشی طلحہ نے گھریلو جھگڑے پرمشتعل ہو کر بھاوج 35 سالہ سبیلہ کوثر پر فائرنگ کر دی، فائرنگ کی زد میں آکر خاتون موقع پر ہی دم توڑ گئی۔
اطلاع ملنے پر پولیس موقع پر پہنچ گئی، فرانزک ماہرین کی مدد سے جائے وقوعہ سے شواہد اکٹھے کر لئے۔ پولیس کا کہنا ہے کہ واقعہ گھریلو جھگڑے کا نتیجہ ہے،مقتولہ کی لاش پوسٹ مارٹم کے لئے مردہ خانے منتقل کرکے مزید تحقیقات کی جا رہی ہیں۔ ادھر سی سی پی او فیاض احمد نے واقعہ کا نوٹس لیتے ہوئے ایس پی سٹی کو ملزم کی جلد گرفتاری کا حکم دے دیا۔