ویب ڈیسک: ارجنٹائن کے فٹ بال سپر اسٹار لیونل میسی کی اپنے بچوں کے ہمراہ فٹ بال کھیلنے کی ویڈیو سوشل میڈیا پر وائرل ہوگئی۔
لیونل میسی کی اہلیہ کی جانب سے شئیر کی جانے والی اس ویڈیو میں میسی اپنے دونوں بیٹوں کے ہمراہ گھر میں فٹ بال کھیل رہے ہیں۔ اس ویڈیو کو میسی کے شائقین اور سوشل میڈیا صارفین کی جانب سے بہت پسند کیا جا رہا ہے۔
View this post on Instagram
یاد رہے لیونل میسی نے ریکارڈ ساتویں بار ’’بیلون ڈی اور‘‘ ایوارڈ جیت لیا ہے۔ پولینڈ کے رابرٹ لیوَانڈوسکی اسٹرائیکر آف دی ایئر جبکہ اٹلی کے ڈونا روما سال کے بہترین گول کیپر قرار پائے جبکہ خواتین میں اسپین کی الیکسیا پوٹیلاس ’بیلون ڈی اوور‘ ایوارڈ لے اڑیں۔
مرد کھلاڑیوں میں دو فٹبالرز کو موسٹ فیورٹ قرار دیا گیا تھاجن میں سے ایک بائرن میونخ کے رابرٹ لیونڈووسکی اور پیرس سین جرمین کے لیونل میسی شامل تھے۔ واضح رہے گزشتہ برس 2020 کا ایوارڈ کورونا وائرس کی وجہ سے نہیں دیا جا سکا تھا جبکہ 2019 میں میسی یہ ایوارڈ جیتنے میں کامیاب ہوئے تھے۔