( شہزاد خان ابدالی ) شہر کے صرافہ بازاروں اور مارکیٹوں میں جمعہ کے روز سونا 100 روپے فی تولہ سستا ہوگیا، سونے کے زیورات کی شوقین خواتین اور جیولرز نے سونا سستا ہونے پر اطمینان کا اظہار کیا ہے۔ جیولرز کہتے ہیں سونا سستا ہونے سے اس کی تجارت بہتر ہوگی۔
شہر کے صرافہ بازاروں اور مارکیٹوں میں سونے کی قیمتوں میں 100 روپے فی تولہ کمی دیکھی گئی جس کے بعد خالص 24 قیراط فی تولہ سونے کی قیمت 1 لاکھ 10 ہزار 700 روپے رہی۔ اسی طرح بائیس قیراط فی تولہ سونا 1 لاکھ 1 ہزار 383 روپے میں فروخت ہوا جبکہ 21 قیراط فی تولہ سونے کی قیمت 96 ہزار 775 روپے ریکارڈ کی گئی۔ صرافہ بازاروں میں چاندی کی قیمت 1200 روپے فی تولہ رہی۔
سونے کے صارفین نے قیمتوں میں کمی پر اطمینان کا اظہار کیا ہے صارفین کا کہنا ہے کہ 100 روپے کمی ناکافی ہے سونا مزید سستا ہونا چاہیئے جبکہ جیولرز کہتے ہیں سونے کی قیمتوں میں کمی خوش آئند امر ہے سونا سستا ہونے سے گاہک صرافہ بازاروں اور مارکیٹوں کا رخ کریں گے۔