سٹی 42: ٹک ٹاک اسٹار ربیکا خان نے ٹی وی اداکاراؤں کو پیچھے چھوڑ دیا، اُن کے انسٹاگرام پر ایک ملین سے زیادہ فالوورز ہوگئے ہیں۔

تفصیلات کے مطابق کورونا وائرس کے دوران لاک ڈاؤن سے جہاں ان گنت نقصانات کا سامنا کرنا پڑا وہیں اس لاک ڈاؤن کے کچھ فوائد بھی سامنے آئے ہیں، لاک ڈاؤن کے دوران سوشل میڈیا پر ایک سے بڑھ کر ایک ٹیلنٹ بھی اُبھر کر سامنے آیا ہے۔ایسی ہی ایک ٹک ٹاک اسٹار ربیکا خان ہیں، جنہوں نے نہایت قلیل عرصے میں مقبولیت کےجھنڈے  گڑے ہیں۔ ابھی وہ کم عمر ہیں اور میٹرک کی طالبہ ہیں۔

انہوں نے سوشل میڈیا پر نت نئی ویڈیوز اپ لوڈ کر کے نئی نسل کی توجہ حاصل کی، اُن کے انسٹاگرام پر ایک ملین فالوورز ہو گئے ہیں۔ اس طرح انہوں نے ڈراموں میں کام کرنے والی اداکاراؤں کو سوشل میڈیا پر پیچھے چھوڑ دیا ہے۔اس حوالے سے ربیکا خان نے کہا کہ میں سب سے پہلے اپنے رب کی شکر گزار ہوں اور اس کے بعد میرے کام کو پسندیدگی کی ڈگری عطا کرنے والے لاکھوں مداحوں کی شکر گزار ہوں۔تمام شہرت اور کامیابی عطیہ خداوندی ہے۔ میرا رب جس کو چاہتا ہےشہرت اور کامیابی عطا کردیتا ہے۔