سٹی 42 : ہوائیں چلنے کے بعد لاہور شہر کا موسم خوشگوار ہوگیا، شہری اپنی فیملیز کے ساتھ  سیرسپاٹے کے لیے نکل پڑے ۔ 

ایک طرف چھٹی تو دوسری جانب موسم خوشگوار ہونے کے بعد شہری اپنے بچوں کیساتھ سیرو تفریح میں مصروف ہیں ۔گلبرگ پلے لینڈ میں جھولوں سے لطف اٹھانے کیلئے بچوں کا رش لگا ہوا ہے ۔ والدین کا کہنا ہے کہ پلے لینڈ میں بچے کھیلوں میں مشغول ہو کر خوش رہتے ہیں، چھٹی کا دن یادگار بنانے کیلئے بچوں کے ساتھ سیر کرنے ہیں ۔ 

دوسری جانب یوم آزادی کی مناسبت سے کریم بلاک میں خصوصی سٹالز قائم کیے گئے ہیں ، لاہور کے شہریوں کی جانب سے بچوں کے کپڑے،جھنڈیاں، بیجز، باجے، ٹوپیاں ،چوڑیوں کی فروخت جاری ہے۔ بچے بھی من پسند چیزیں خرید کر آزادی کا جشن منانے کے لئے پرعزم نظر آرہے ہیں۔ شہریوں کا بچوں کے ہمراہ یوم آزادی کی مناسب سے خریداری کیلئے رش لگا ہوا ہے۔