فاران یامین: بادامی باغ مچھلی منڈی دریائے راوی کے قریب پولیس اور ملزمان کے مابین مقابلہ, ملزم اپنے ساتھی کی فائرنگ سے زخمی حالت میں گرفتار جبکہ دوسرا فرار ہونے میں کامیاب ہوگیا۔
تفصیلات کے مطابق بادامی باغ پولیس نے دوران ناکہ بندی دو کس مشکوک موٹر سواروں کو رکنے کا اشارہ کیا،ملزمان نے پولیس کو دیکھتے ہی سیدھی فائرنگ شروع کر دی، بادامی باغ پولیس کی جانب سے حفاظت خود اختیاری اپنائی گئی۔
فائرنگ رکنے پر ایک ملزم اپنے ساتھی کی فائرنگ سے زخمی حالت میں گرفتار جبکہ دوسرا فرار ہوگیا، زخمی ملزم کی شناخت وراث علی کے نام سے ہوئی جس کو ہسپتال منتقل کردیا گیا،فرار ملزم کی تلاش عمل میں لائی جا رہی ہے۔
ریکارڈ یافتہ ملزم نے چند روز قبل بزرگ رکشہ ڈرائیور کو واردات کے دوران فائر مار کر زخمی کیا،سی سی ٹی وی فوٹیج میں ملزم کو رقم چھینتے شہری پر تشدد اور فائرنگ کرتے دیکھا جا سکتا۔