شہباز علی: ایتھلیٹکس فیڈریشن آف پاکستان کی جانب سے پیرس اولمپکس میں ریکارڈ ساز کارکردگی کارکردگی کا مظاہرہ کرنے والے اولمپئین گولڈ میڈلسٹ ارشد ندیم کو فیملی سمیت عمرہ کروانے کا اعلان کیا گیا ہے۔
چیئرمین ایتھلیٹکس فیڈریشن آف پاکستان میجرجنرل (ر) محمد اکرم ساہی نے ارشد ندیم کو فیملی سمیت عمرہ کروانے کا اعلان کیا ہے۔ چیئرمین کے مطابق ارشد ندیم ان کے بیوی بچوں اور والدین کو عمرے پر بھجوایا جائے گا۔
رپورٹس کے مطابق قومی ہیرو ارشد ندیم کے تقریبات سے فارغ ہونے کے بعد ان کو عمرے پر بھجوایا جائے گا۔
یاد رہے کہ ارشد ندیم گزشتہ رات پیرس سے ترکش ایئر لائن کی پرواز کے ذریعے پاکستان پہنچے تھے۔لاہور کے علامہ اقبال انٹرنیشنل ایئرپورٹ پر ان کا شاندار استقبال کی گیا، ترکش ایئرلائن کے طیارے کو واٹرکینن سیلوٹ پیش کیا گیا۔
قومی ہیرو کے استقبال کے لیے ایئرپورٹ پر ن لیگی رہنماؤں، اہلخانہ اور گاؤں کے لوگوں کے علاوہ شہریوں کی بہت بڑی تعداد موجود تھی۔ارشد ندیم کو وی آئی پی سیکیورٹی دی گئی، انہیں خصوصی ڈبل ڈیکر بس میں بٹھایا گیا، جس میں انہوں نے شہر کی مختلف سڑکوں پر چکر لگانے کے بعد اپنے گاؤں میاں چنوں چلے گئے۔