رومیل الیاس: بارش کے بعد آج بھی چوبرجی چوک میں بارشی جمع ہوگیا۔نکاسی آب نہ ہونے کی وجہ سے اس مصروف سڑک سے گزرنے والے شہریوں کو شدید مشکلات کا سامنا کرنا پڑا۔
شہریوں نے بتایا کہ علاقہ میں بارش کا پانی جمع رہنے کی وجہ ڈرینیج کے نالے صاف نہ ہونا ہے۔ اب بھی برسات باقی ہے ، انتظامیہ نالے صاف نہیں کروائے گی تو سڑکوں پر معمولی بارش سے بھی پانی جمع ہوتا رہے گا۔ شہریوں نے حکومت سے کہا کہ بارش کے پانی کی جلد نکاسی کے لئے نالے فوری طور پر صاف کروائے جائیں۔
چوبرجی چوک کے قریب سبھی سڑکوں پر بارش کا پانی جمع ہونے کے سبب دکانداروں کو مشکلات کاسامنا رہا ۔دکاندار کہتے ہیں ہر دفعہ بارش کے بعد ایسے ہی پانی جمع ہوجاتا ہے مگر انتظامیہ نکاسی آب کی جانب کبھی توجہ نہیں دیتی ۔ہم اپنی مدد آپ کے تحت پانی نکالتے ہیں۔ انتظامیہ سے اپیل ہے کہ نکاسی آب کا مناسب بندوبست کرے۔