فضا علی، سجاد علی اور عامر لیاقت سے شادی کی خبروں پر بول پڑیں

کینال روڈ (سٹی42 )پاکستان ٹی وی انڈسٹری کی معروف اداکارہ و میزبان فضا علی گلوکار سجاد علی، اینکر پرسن عامر لیاقت و دیگر لوگوں سے شادی کی خبروں پر خاموش نہ رہ سکیں۔

اپنے انسٹاگرام اکاؤنٹ پر اداکارہ فضا علی نے ایک ویڈیو شیئر کی جس میں معروف شخصیات سے شادی کروانے کی خبروں پر کھل کر اظہارِ برہمی کیا، فضا علی نے کہا کہ کیا ملتا ہے لوگوں پر تہمت لگانے میں، کسی کے بارے میں جھوٹ بول کر، کسی کی کردار کشی کر کے، کسی کے بارے میں جھوٹ بول کر، کیا ملتا ہے آپ لوگوں کو۔

انہوں نے  سوشل میڈیا پر وائرل ہونے والی سجاد علی سے اپنی شادی کی خبروں کی تردید کرتے ہوئے کہا کہ 'سجاد علی میرے بھائیوں کی طرح ہیں، استاد ہیں میرے، وہ پاکستان کا سرمایہ ہیں اور میری ان سے شادی کروادی گئی۔

اپنے ویڈیو بیان میں فضا علی نے کہا کہ میری شادی کبھی آپ لوگ عامر لیاقت سے کروادیتے ہیں، کبھی ذیشان روکھڑی سے کروادیتے ہیں، کبھی عمران خان سے کروا دیتے ہیں، کبھی آصف علی زرداری کو میرا شوہر بنا دیا جاتا ہے۔

ویڈیو پیغام کے آخر میں انہوں نے ہاتھ جوڑتے ہوئے کہا کہ میں شادی شدہ ہوں یا نہیں، یہ میرا ذاتی مسئلہ ہے لہٰذا کوئی اس میں دخل دینے والا کون ہوتا،  ہاتھ جوڑ کر کہتی ہوں کہ آپ لوگ رشتہ کروانے والی مائی کا کردارادا مت کریں۔