ویب ڈیسک : بیساکھی میلے  کےموقع پر ننکانہ صاحب کی ضلعی انتظامیہ کی جانب سے تعلیمی ادارے پانچ دن بند رکھنے کا اعلان کرتے ہوئے چھٹیوں کا باقاعدہ نوٹیفکیشن جاری کر دیا گیا ہے۔

بیساکھی میلہ میں شرکت کے لیے بھارت سے سکھ یاتریوں کی ایک بڑی تعداد پاکستان پہنچ چکی ہے، انڈیا سے سات ہزار کے قریب سکھ یاتری ننکانہ صاحب پہنچیں گے۔پاکستان سمیت دنیا بھر سے بھی ہزاروں سکھ یاتری بیساکھی میلہ میں شرکت کریں گے، مرکزی تقریب 14 اپریل کو ہو گی۔

دوسری جانب ڈی پی او کی ہدایت پر سکھ برادری کے بیساکھی میلے کا پولیس نے کیورٹی پلان جاری کر دیا ہے، جس کے مطابق 2000 پولیس افسران و جوان سیکیورٹی ڈیوٹی پر مامور ہوں گے۔ ضلعی پولیس کے علاوہ پنجاب کنسٹیبلری فاروق آباد اور دیگر اضلاع سے اضافی نفری بھی طلب کی گئی ہے۔

یاد رہے کہ بیرون ممالک سے آنے والے سکھ یاتری 12 اپریل کو ننکانہ صاحب پہنچیں گے۔