قیصر کھوکھر : پنجاب کے 15اضلاع میں انسداد پولیو مہم جاری، پہلے روز 38لاکھ بچوں کو ویکسیئن کے قطرے پلائے گئے۔چیف سیکرٹری پنجاب زاہد اختر زمان کی زیر صدارت ڈپٹی کمشنرز کا ویڈیو لنک اجلاس ہوا۔اجلاس میں صوبہ میں جاری انسداد پولیو مہم کا جائزہ لیاگیا۔
 اجلاس میں سیکرٹری پرائمری ہیلتھ اور سربراہ پولیو پروگرام پنجاب خضر افضال نے شرکت کی۔اجلاس میں چیف سیکرٹری کی مسڈ چلڈرن کی سو فیصد کوریج یقینی بنانے کی ہدایت کی۔چیف سیکرٹری نے کہا کہ مسڈ چلڈرن کی کوریج کیلئے مائیکرو پلانز کوازسر ترتیب دیا جائے۔ تمام ڈپٹی کمشنرز 15اضلاع میں جاری انسداد پولیو مہم کی خود نگرانی کریں۔ چیف سیکرٹری نے کہا کہ پولیو کے مکمل خاتمے کیلئے مسلسل کوششوں کی ضرورت ہے۔ ملک کو پولیو فری بنانے کیلئے سب کو ملکر قومی جذبے کیساتھ کام کرنا ہوگا۔ چیف سیکرٹری نے ساہیوال اور چکوال میں پولیو وائرس کے ماحولیاتی نمونے مثبت آنے پر رپورٹ طلب کر لی۔محکمہ صحت کے حکام نے جاری انسداد پولیو مہم بارے بریفنگ دی۔