زین مدنی :  پنجاب آرٹس پروڈیوسرز تھیٹر ایسوسی ایشن کے جنرل سیکرٹری ، آرٹسٹ، پروڈیوسر اور ڈائریکٹر طاہر انجم کی آج وزیر اعلیٰ پنجاب سید محسن نقوی سے اہم ملاقات ہوئی۔

ملاقات میں طاہر انجم نے وزیر اعلیٰ کو بتایا کہ تھیٹر سے منسلک 90 فیصد فنکار ، پروڈیوسرز ، تھیٹرز آنر ، تکنیکی عملہ ڈیلی ویجر عملہ تین ہفتوں سے تھیٹرز بند ہونے کی وجہ سے پریشان ہیں۔

وزیر اعلیٰ نے کہا جو قصوروار ہیں ان کے خلاف قانون کے مطابق ایکشن لیں گے، کوئی بے گناہ فحاشی عریانی کے خلاف پنجاب گورنمنٹ کی جاری مہم سے متاثر نہیں ہوگا۔

اس ملاقات کے بعد امید کی جاتی ہے رواں ہفتے انشااللہ پنجاب بھر کے تھیٹرز قواعدو ضوابط کے تحت کھل جائیں گے، میٹنگ سے فارغ ہوتے ہی طاہر انجم نے میٹنگ کے حوالے سے سخی سرور بٹ کو بریف کیا۔ 

اس موقع پر چیئرمین قیصر ثنااللہ خان، نسیم وکی، پرویز خان، وحید جٹ، قیصر پیا، صابر گاگا ،ارشد چوہدری، راحیل شاہ، اسد بٹ ،آغا ماجد، امانت چن، بلال چوہدری ،امجد رانا، ارسلان باجوہ، زوار بلوچ، اقبال بھٹی، علی عارف حسن، رانا معظم خالد، سردارنوید لمبا، محمد انعام سرفراز، وکی شاہد خان، ملک ارشد ،خالد گوجر، اکبر بٹ، علی سعد ،چاچا شوکت، طاہر نوشاد، وحید راہی، عظیم چٹا،  چنگیز اعوان، گوہر چوہدری، راشد کمال، فہد اعوان ،علی وارث زلفی، حاجی طاہر ، شوہکا شاہ شیری، تسلیم عباس آئندہ کے لائحہ عمل کے لیے موجود تھے اور کچھ کو بذریعہ ٹیلی فون وزیر اعلیٰ سے ہونے والی ملاقات بارے بریف کیا گیا۔