ارشاد قریشی : اسلام آباد میں ہونے والی شنگھائی تعاون تنظیم کے اجلاس سے قبل راولپنڈی کے تمام اسپتالوں کو ہائی الرٹ کر دیا گیا ۔
محکمہ ہیلتھ پنجاب نے اس حوالے سے نوٹیفکیشن جاری کر دیا ، جس کے مطابق تمام سرکاری اسپتالوں کے عملے کی چھٹیاں منسوخ کردی گئی ہیں، 15 اور 16 اکتوبر کو سرکاری اسپتالوں میں ہائی الرٹ رہے گا ، اسپتالوں میں بیڈز ،،تمام گروپس کے خون کی بوتلیں اور ہر قسم کی ویکسین موجود ہو ۔ اسپتالوں کے سی سی ٹی وی کیمرے مکمل طور پر فعال ہوں، 1122 سمیت تمام اسپتالوں کی ایمبولینسز سٹاف کے ساتھ فعال ہوں ، اسپتالوں میں بجلی اور پانی کا نظام بھی مکمل طور پر فعال ہو ۔
محکمہ ہیلتھ پنجاب نے بتایا ہے کہ انتظامیہ اور اسپتال عملے میں رابطے کے لئے ہیلپ لائن 1033 استعمال ہو گی ۔