سٹی42: پنجاب کی کابینہ نے پولیس میں سب انسپکٹر اور اے ایس آئی کی بھرتی کیلئے بھرتی کی عمر کی آخری حد پانچ سال بڑھانے کی منظوری دے دی ۔ اب پنجاب میں چالیس سالہ جوان بھی سب انسپکٹربھرتی ہو سکیں گے۔
پنجاب کابینہ نے پنجاب پولیس میں بھرتی کی عمر 40 سال تک کرنے کی منظوری دے دی ہے ۔آئی جی پنجاب کی جانب سے بھرتی کی عمر کی حد میں اضافہ کرنے کی پرپوزل تیار کی گئی تھی جس کو فنانس ڈیپارٹمنٹ نے بھی منظور کر لیا ۔
پی پی ایس سی کے ذریعے پہلے اے ایس آئی کی بھرتی کی عمر21 سے 35 سال تھی۔ سب انسپکٹر کی بھرتی کی عمر 23 سے35 سال تھی ۔ کابینہ نے بھرتی کے لیے 5 سال عمر بڑھا کر23 سے 40 سال تک کرنے کی منظوری دی ۔لاہور سمیت پنجاب میں اے ایس آئیز کی 1010 سیٹیں اور سب انسپکٹر کی 438 منظور شدہ سیٹیں خالی پڑی ہیں۔ پنجاب پولیس میں بھرتی کے لیے عمر میں اضافہ سروس رولز 2013 میں ترمیم کر کے کیا گیا ۔