ویب ڈیسک: چیئرمین پاکستان پیپلز پارٹی بلاول بھٹو زرداری سوموار کو لاہور پہنچیں گے، بلاول بھٹو زرداری پیپلز پارٹی پنجاب اور لاہور کی تنظیموں میں اہم تبدیلیوں کیلئے لاہور آئیں گے۔
ذرائع کے مطابق بلاول بھٹو زرداری سینٹرل پنجاب اور لاہور تنظیم میں تبدیلیوں کے حوالے سے اہم فیصلے کریں گے۔ پیپلز پارٹی پنجاب کے صدر کی نشست راجہ پرویز اشرف کے سپیکر قومی اسمبلی بننے کے بعد سے خالی ہے, جبکہ رانا فاروق سعید قائم مقام صدر کے طور پر کام کر رہے ہیں۔
بلاول بھٹو زرداری سابق صدر آصف علی زرداری اور پارٹی کی اعلی قیادت سے مشاورت کے بعد پنجاب میں مستقل صدر نامزد کریں گے۔ اس حوالے سے ذرائع کا کہنا ہے کہ پیپلز پارٹی پنجاب کی صدارت کیلئے ندیم افضل چن اور سید حسن مرتضی مضبوط امیدوار ہیں۔