ویب ڈیسک: حکومتی کوششیں رنگ لانے لگیں، چینی 7 روپے کلو سستی ہوگئی۔
کراچی میں ذخیرہ اندوزوں اور منافع خوروں کے خلاف کریک ڈائون کے بعد چینی کی قیمت میں بڑی کمی ہو گئی۔
چینی کی قیمت 7 روپے کلو سستی ہونے کے بعد ہول سیل میں چینی 145 روپے سے کم ہوکر 138 روپے کلو پر آ گئی۔
واضح رہے کہ ہول سیل مارکیٹ میں چینی کی 50 کلو کی بوری 6 ہزار 900 روپے میں فروخت ہو رہی ہے۔ اس حوالے سے ہول سیلرز کا کہنا ہے کہ سمگلنگ کنٹرول ہونے کی وجہ سے قیمت کم ہوئی ہے، ذخیرہ اندوزوں کے خلاف بھی کارروائی جاری رہی تو قیمت مزید کم ہو گی۔
دوسری جانب شہریوں نے چینی کی قیمت میں مزید کمی کا مطالبہ کرتے ہوئے کہا کہ چینی 100 روپے کلو تک ہونی چاہیے۔