ویب ڈیسک : پاکستانی ٹیلی ویژن کی سابقہ اداکارہ اور مارننگ شو کی میزبان مشی خان لائیو شو کے دوران سیلفی کے جنون میں صوفے سے گر پڑیں۔
مشی خان پاکستانی شوبز اور ٹی وی اینکر ہیں جو ہر موضوع پر دو ٹوک اظہار کرتی ہیں آج کل بھی مشی خان کا سوشل میڈیا کلپ وائرل ہو رہا ہے جس میں وہ لائیو شو کے دوران سیلفی کے جنون میں اپنا توازن کھو دیتی ہیں اور نیچے گر جاتی ہیں۔ وائرل ویڈیو میں دیکھا جاسکتا ہے کہ مشی خان صوفے پر بیٹھی ہوئی ہیں، وہ اپنے فون سے سیلفی لینے کیلئے خود کو ایڈجسٹ کرنے کی کوشش کرتی ہیں، لیکن بدقسمتی سے وہ اپنا توازن برقرار نہیں رکھ پاتیں اور صوفے سے نیچے گر پڑتی ہیں۔
اس موقع پر اداکارہ کے ہاتھ سے فون بھی زمین پر گرپڑتا ہے، عملہ فوراً مشی خان کوسہارا دے کر صوفے پر بٹھاتا ہے۔اس پورےواقعہ میں مشی خان سوری کے الفاظ ادا کرتی رہیں جبکہ شرمندگی سے بچنے کیلئے انہوں نے قہقہوں کا سہارا لیا۔
ویڈیو سوشل میڈیا پر وائرل ہوتے ہی صارفین کی جانب سے متضاد تبصروں کا سلسلہ شروع ہوگیا۔ایک صارف نے لکھا کہ ’وہ شرمندگی سے بچنے کیلئے جھوٹی ہنسی ہنس رہی ہیں۔‘ ایک اور صارف نے لکھا کہ ’اداکارہ نے اس وقت کو بڑی ہی مہارت سے ہینڈل کیا۔‘
