ابوبکر ارشد: معروف شیعہ رہنما آغا شاہ حسین قزلباش کے بڑے بھائی آغا علی قزلباش کی نماز جنازہ ایمپرس روڈ پر ادا کی گئی، نماز جنازہ کی امامت علامہ محمد حسین اکبر نے کرائی۔
نماز جنازہ میں مختلف شعبہ زندگی سے تعلق رکھنے والی اہم شخصیات نے شرکت کی۔ ان شخصیات میں صدر لاہور چیمبر آف کامرس میاں ابوذر شاد، صدر لوہا مارکیٹ مصری شاہ چوہدری عامر صدیق، گروپ ایڈیٹر ڈیلی سٹی 42 نوید چوہدری، ان پٹ ہیڈ سٹی نیوز سید زین العابدین اور دیگر شامل تھے۔
اس کے علاوہ آغا شاہ حسین، پروفیسر اصغر نقی، آغا رضا، سبطین خان، تنویر شاہ، آغا جعفر، علی عمران، قاسم علی، خالد بھٹہ، سید امداد حیدر اور دیگر نے بھی نماز جنازہ میں شرکت کی۔
نماز جنازہ کے بعد مرحوم کی مغفرت اور ایصال ثواب کے لیے خصوصی دعا کی گئی۔ مرحوم کی تدفین مومن پورہ قبرستان میں کی جائے گی۔