ویب ڈیسک: پاکستانی معروف اداکارہ دنانیر مبین نےکانووکیشن کی خوبصورتی جھلکیاں سوشل میڈیا پر شیئر کرکے سب کی توجہ حاصل کرلی، ان تصاویر کی خاص بات یہ ہے کہ اداکارہ کی والدہ بیٹی کی کامیابی پر اپنے جذبات پر قابو نہ رکھ پائیں۔
تفصیلات کے مطابق دنا نیر ایک بہترین اداکارہ اور سوشل میڈیا سیلیبرٹی ہونے کے ساتھ ساتھ ایک ذہین طالبہ بھی ہیں، انہوں نے حال ہی میں اپنی یونیورسٹی سے گریجویشن مکمل کی اور اپنی کانووکیشن کی خوبصورت تصاویر اور ویڈیو شیئر کیں۔
فوٹو اینڈ ویڈیو شیئرنگ ایپ انسٹاگرام پر دنانیر نے ویڈیو پوسٹ کی جس میں انہیں اپنی یونیورسٹی کے کانووکیشن میں گریجویشن کی ڈگری وصول کرتے دیکھا گیا،اس تقریب میں ان کے والدین بھی شریک ہوئے جنہوں نے بیٹی کی کامیابی پر خوشی منائیں۔
خوبصورت جھلکیوں پر مشتمل پوسٹ شیئر کرتے ہوئے اداکارہ نے کیپشن میں لکھا کہ،’آپ کی لڑکی نے گریجویٹ کر لیا۔‘
دوسری جانب دنانیر کو انکی کامیابی پر سوشل میڈیا صارفین سمیت شوبز سے وابستہ افراد کی جانب سے ڈھیروں مبارکباد موصول ہورہی ہیں۔
واضح رہے کہ سال 2021 میں ایک مختصر دورانیے کی ویڈیو کو فوٹو اینڈ ویڈیو شیئرنگ ایپ انسٹاگرام پر جاری کرنے کے بعد رات و رات سوشل میڈیا پر وائرل ہوجانے والی کانٹینٹ کریئٹر دنانیر 2023 میں پاکستانی ڈرامے میں بھی جلوہ گر ہوئیں۔
دنانیر مبین نے اداکاری کی دنیا میں قدم رکھتے ہوئے ڈراما ' محبت گمشدہ میری' میں خوشحال خان کے ساتھ کام کیا اوران دونوں اسٹارز کی جوڑی کو ناظرین کی جانب سے بے حد پسند کیا گیا۔تاہم جلد ہی وہ احد رضا میر کیساتھ نئے ڈراما سیریل ’میم سے محبت‘ میں جلوے بکھیرنے والی ہیں۔