ویب ڈیسک: پاکستانی اداکارہ ہانیہ عامر کی مقبولیت میں مزید اضافہ ہورہا ہے ، ہانیہ مداح نہ صرف پاکستان،بھارت میں ہیں بلکہ دنیا کے مختلف ممالک میں موجود ہیں جو اُن کے ڈراموں اور انٹرویوز کو دلچسپی سے دیکھتے اور اپنے خیالات کا اظہار کرتے نظر آتے ہیں۔

حال ہی میں انہوں نے بھارتی پنجابی صحافی ہرجندر گل کو انٹرویو دیا جس میں اس صحافی کو ہانیہ کے حسن اور انکی صلاحیتوں سے بے حد متاثر ہوتے دیکھا گیا، جس کی ویڈیو سوشل میڈیا کے مختلف پلیٹ فارم پر شیئر کی ہوئی ہے۔

دوران انٹرویو  صحافی کا ہانیہ سےخواہش کا اظہار کرتے ہوئے کہنا تھا میں آپکے ساتھ چند تصاویر بنوانا چاہتا ہوں جنہیں میں اپنی بیوی کو دکھاؤنگا۔ تاہم اس دوران  بھی وہ ہانیہ کو دیکھتے رہنے سے خود کو نہیں روک سکے۔

ہرجندر گل نے  اس پورے گپ شپ کے سیشن میں یہ بھی کہا کہ اگرچہ وہ ہانیہ کے  تمام ڈرامے نہیں دیکھتے لیکن اگر کہیں ہانیہ کو اسکرین پر دیکھیں تو وہ انہیں نظرانداز نہیں کر سکتے۔

ساتھ ہی صحافی نے دلجیت کنسرٹ میں ہانیہ اور گلوکار کی ملاقات کا بھی حوالہ دیا جس پر ہانیہ عامر کا کہنا تھا انسان کیساتھ اگر پاور ہے یا وہ پوری دنیا میں مشہور ہے تو اسے دوسروں کیساتھ نرمی سے پیش آنا چاہنے جو دلجیت نے میرے ساتھ کیا۔

ساتھ ہی صحافی نے اپنی شوخیاں گفتگو کا اختتام کچھ اسطرح کیا کہ میرا دل چاہ رہا ہے آپ سے گفتگو نہ کروں بس آپکو دیکھتا ہی جاؤں۔

یاد رہے کہ ہانیہ عامر نے سال 2016 میں فلم ’جانان‘ سے اداکاری کی دنیا میں قدم رکھا اور پھر ڈراما انڈسٹری میں ’تتلی‘ سے ڈیبیو دیا جس کے بعد وہ یکے بعد دیگرے ایسے ڈرامے کرتی چلی گئیں جو انکی مقبولیت میں حیران کن اضافے کی وجہ بن گئے۔

ہانیہ عامر کے مقبولیت کے آسمان چھونے والے ڈراموں میں ’میرے ہمسفر‘ ، ’ عشقیہ‘ اور دیگر شامل ہیں تاہم انکا حالیہ ڈراما سیریل ’کبھی میں کبھی تم’ میں شرجینا کے کردار نے تو جیسے مقبولیت اور ریٹنگ کے تمام تر ریکارڈ ہی توڑ ڈالے۔