ویب ڈیسک:ٹی ٹوئنٹی ورلڈکپ کے فائنل میں پاکستانی ٹیم کی دھماکے دار انٹری کے بعد کپتان بابراعظم نے شائقین کو جیت کا لمحہ انجوائے کرنے کا مشورہ دے دیا۔
سوشل میڈیا پر اسٹیڈیم سے لی گئی تصاویر شیئر کرتے ہوئے بابر اعظم نے ایک پوسٹ بھی شیئر کی۔تصاویر میں بابر اور رضوان کو نیوزی لینڈ کے خلاف بیٹنگ کے لیے جاتے جب کہ ایک تصویر میں ٹیم کو خوش ہوتے دیکھا جاسکتا ہے ، بابر نے اپنی ٹوئٹ میں لکھا کہ ’اس لمحے کو انجوائے کریں‘۔
Enjoy the moment! ???????????? pic.twitter.com/3lqJvmTVXV
— Babar Azam (@babarazam258) November 9, 2022
خیال رہےکہ آئی سی سی ٹی ٹوئنٹی ورلڈکپ کے پہلے سیمی فائنل میں پاکستان نے نیوزی لینڈ کو شکست دے کر فائنل کےلیے کوالیفائی کرلیا ہے۔پاکستان نے نیوزی لینڈ کی جانب سے دیا گیا 153 رنز کا ہدف آخری اوور میں حاصل کیا، بابر اعظم اور محمد رضوان نے نصف سنچریاں اسکور کی تھیں۔
بابر کی سیمی فائنل میں شاندار پرفارمنس پر شائقین کرکٹ بھی بے حد خوش ہیں یہی نہیں بابر اعظم کے آؤٹ ہونے کے بعد کیمپ واپسی پر مداح ’ بابر چھا گیا ‘ کے نعرے لگاتے بھی سنے گئے۔