ویب ڈیسک : اختلاف ظاہر کرنے پر فضل الحق فاروقی پر میچ فیس کا 10 فیصد جرمانہ عائد کیا گیا۔
پی ایس ایل میں اسلام آباد یونائیٹڈ کے فاسٹ بولر فضل الحق فاروقی پر میچ فیس کا 10 فیصد جرمانہ عائد کردیا گیا۔گزشتہ روز راولپنڈی میں کھیلے گئے میچ میں لاہور قلندرز کے خلاف کوڈ آف کنڈکٹ کی خلاف ورزی کرنے پر انہیں جرمانہ عائد کیا گیا ہے۔
قلندرز کی بیٹنگ کے دوران 19 ویں اوور میں فضل الحق فاروقی نے بیٹر کو آؤٹ کرنے کے بعد گالی دی تھی جس پر انہیں ضابطہ اخلاق کی خلاف ورزی کا مرتکب پایا گیا۔فضل الحق فاروقی نے میچ ریفری روشن مہاناما کی تجویز کردہ سزا کو قبول کیا اور آئندہ عمل نہ دہرانے کی یقین دہانی کروائی۔
واضح رہے کہ میچ میں قلندرز کے ہاتھوں یونائیٹڈ کی ٹیم کو 119 رنز کی بڑی شکست کا سامنا کرنا پڑا تھا۔