ویب ڈیسک: چیئرمین پیپلزپارٹی بلاول بھٹو کا کہنا ہےکہ ڈرون حملہ ایک سازش تھی۔ مجھے اور آصفہ بھٹو کو جان بوجھ کر ٹارگٹ کیا گیا، واقعے کی تحقیقات ہونی چاہیے لیکن عمران خان حکومت پر اعتبار نہیں۔

پیپلزپارٹی کے چیئرمین بلاول بھٹو کا پریس کانفرنس کے دوران کہنا تھا کہ  سینٹرل پنجاب جاتے ہوئے آصفہ بھٹو پر حملہ ہوا۔ ڈرون کیمرہ ٹکرانے کی ویڈیو ہر طرف سے دیکھی۔ ڈرون کیمرہ اچانک نہیں آیا، مسلسل آصفہ کی طرف بڑھا اور حملہ کیا۔آصفہ بھٹو کیساتھ جو واقعہ پیش آیا وہ ناقابل برداشت ہے۔

بلاول بھٹو کا مزید کہنا تھا کہ آصف بھٹو پر حملے کے معاملے پر حکومت پر بالکل بھی بھروسہ نہیں۔ ہمیں نظر آرہا ہے وہ ڈرون آصفہ بی بی اور ہماری طرف بھیجا گیا۔آئی ایس آئی اور ایجنسیوں سے درخواست ہے کہ واقعے کی تحقیقات کریں۔

چیئرمین پیپلزپارٹی کا کہنا تھا کہ آپ ہمیں زندگی موت کی دھمکی دیں گے تو پھر آپ بھی برداشت کریں۔ ہم نے کبھی بندوق استعمال نہیں کی مگر استعمال کرنا جانتے ہیں۔ یہ سمجھتے ہیں ہم ڈر جائیں گے، پیچھے ہٹ جائیں گے۔جو میں آپ کیساتھ کروں گا آپ کی نسلیں یاد کریں گی۔

بلاول بھٹو کا کہنا تھا کہ  کرسی خطرے میں دیکھ کر وزیراعظم جذبات میں مزید گالیاں دیں گے۔ پیپلزپارٹی پہلے دن سے تازہ ترین سیلیکٹڈ کا مقابلہ کررہی ہے۔عمران خان کے بعد بھی کوئی سیلیکٹڈ آیا تو پیپلزپارٹی ڈٹ کر کھڑی ہوگی۔