ویب ڈیسک: پاکستان کرکٹ ٹیم کے فاسٹ بولر حارث رؤف نے دلہن مزنا کے ساتھ اپنی شادی کی تقریبات کی تصاویر شیئر کردیں۔
گزشتہ برس دسمبر میں اپنی کلاس فیلو مزنا مسعود ملک کے ساتھ رشتہ ازدواج میں منسلک ہونے والے حارث رؤف کی شادی کی تقریبات گزشتہ ہفتے ہوئیں جس میں کرکٹ حلقے سمیت مختلف شخصیات نے شرکت کی۔تاہم ولیمے کے بعد حارث نے اپنے انسٹاگرام اور ٹوئٹر اکاؤنٹ پر مزنا کے ہمراہ مہندی ، بارات اور ولیمے کی تصاویر پوسٹ کیں۔مہندی کی تصویر میں کرکٹر نے دونوں کے ہاتھوں کی تصویر شیئر کی جو کہ ایک رسم کے دوران لی گئی تھی۔
تاہم بارات میں حارث نے سیاہ رنگ کی شیروانی کا انتخاب کیا جب کہ مزنا سرخ رنگ کے عروسی لباس میں نظر آئیں، ولیمے کی تصویر اسٹیڈیم میں لی گئی جس میں مزنا نے میکسی پہنی تھی جو کہ پیازی رنگ کی تھی۔حارث کی جانب سے تصاویر شیئر کیے جانے کے بعد ہی یہ سوشل میڈیا کے مختلف پلیٹ فارمز پر وائرل ہوگئیں جب کہ صارفین نے جانب سے بھی مبارکباد کا سلسلہ جاری ہے۔فاسٹ بولر کی ٹوئٹ پر ساتھی کرکٹرز نے مبارکباد اور نیک خواہشات کا اظہار کیا جن میں حسن علی اور شان مسعود شامل ہیں۔
اس کے علاوہ سابق کرکٹر سعید اجمل نے بھی فاسٹ بولر کو شادی کی مبارکباد دی۔